KoleNedelkovski.edu.mk

  • ПРОМОЦИЈА НА ДУАЛНОТО ОБРАЗОВАНИЕ - ТЕХНИЧАР ЗА ПРОИЗВОДНО МАШИНСТВО и ЗАВАРУВАЧ

    Учениците Кире Џунџев и Горан Атанасков ученици во образовниот профил „Техничар за компјутерско управување“ од машинската струка, денеска за време на престојот на Министерката за образование и наука г-ѓа Мила Царовска направија програма со која го изгравираа нејзиното име со помош на едукативна ЦНЦ машина.

  • ПРОМОЦИЈА НА ДУАЛНОТО ОБРАЗОВАНИЕ

    Со почитување на мерките за однесување во услови на панедмија, под мотото УЧИ ПАМЕТНО РАБОТИ СТРУЧНО во дворот на ССОУ „Коле Неделковски“ беше претставен новиот концепт на Дуално образование.

  • Посета и презентација на работата на фирмата АЦ Електрик Тек ДОО

  • УЧЕНИЦИТЕ ОД ДУАЛНАТА ПАРАЛЕЛКА ИЗБИРАА ПРЕТПРИЈАТИЕ КАДЕ ЌЕ ИЗВЕДУВААТ ПРАКТИЧНА НАСТАВА

    Денеска во училишниот двор, почитувајќи ги препораките за однесување во услови на пандемија, учениците од образовниот профил „Техничар за производно машинство“ остварија средба со претставници од Делегацијата на Германското стопанство во Република Северна Македонија и претставници од претпријатијата „Маркарт Македонија“ и „Брако“.

  • ССОУ „Коле Неделковски“ – Добитник на грант од МОН за Проект на МИМО

  • Доделени таблетите на учениците од семејства кои се во тешка социјална состојба.

  • Средба со учениците кои добија стипендија од Општина Велес

  • Учество на работилницата на тема: Искуствата и предизвиците со онлајн наставата по Физичко и здравствено образование и Спорт и спортски активности

  • Посета на Министерката за образование и наука г-ѓа Мила Царовска и Директорот на Делегацијата на германско стопанство на Р.С. Македонија г-дин Патрик Мартенс

  • ДУАЛНОТО ОБРАЗОВАНИЕ ПРОИЗВЕДУВА СТРУЧЕН И КВАЛИТЕТЕН КАДАР

  • Начин на однесување на учениците во услови на пандемија

  • Документи за работата на училиштето

  • ЕВРОПСКИ ДЕН НА СПОРТОТ ВО УЧИЛИШТАТА

Посета на Министерката за образование и наука г-ѓа Мила Царовска и Директорот на Делегацијата на германско стопанство на Р.С. Македонија г-дин Патрик Мартенс

На 22.10.2020 год. ССОУ „Коле Неделковски“ го посетија Министерката за образование и наука г-ѓа Мила Царовска, Директорот на Делегацијата на германско стопанство на Р.С. Македонија г-дин Патрик Мартенс со делегација и Градоначалникот на Општина Велес г-дин Аце Коцевски. Целта на посетата беше да се оствари средба со учениците кои оваа година се запишаа во прва година во образовниот профил Техничар за производно машинство, од машинската струка во дуалното стручно образование. Посетата беше искористена и за остварување на работни средби со преставниците на компаниите каде учениците реализираат практична настава, компаниите Брако и Маркард. „ Дури и во вонредни услови во кои се одвива образовниот процес оваа година, овозможивме учениците од средните стручни училишта да ја продолжат практичната настава. Секако, таа се реализира со посебни протоколи, со кои се гарантира нивната заштита“ изјави Министерката Царовска. Помеѓу другото таа истакна дека „Дуалното образование е успешен начин на градење на вештини потребни на пазарот на работна сила. По завршувањето на пандемијата, кај компаниите ќе биде поизразен недостигот на стручен кадар, а младите вклучени во дуалното образование ќе имаат најкус пат до вработување.„ Директорката Цветанка Ѓакова Панова го изрази своето задоволство дека и покрај вонредната состојба со КОВИД-19 и немање физичко присуство на ученици, во ССОУ „Коле Неделковски“ и оваа година има најмогу запишани ученици во прва година што е доволен показател дека учениците и родителите иднината ја гледаат во средното стручно образование. „Тоа што компаниите вклучени во процесот на дуално образование инвестираат во локалното образование го отвара патот на учениците за градење на нивната натамошна кариера токму во овие компании. Искористете ги сите предности кои ви се овозможуваат таму, научете ја нивната филозофија на работа, навлезете во производниот процес, стекнете се со практични знаења. Тоа ќе ви го отвори патот за градење на вашата кариера во рамките на професијата која ја изучувате“ - истакна Патрик Мартенс Директор на Делегацијата на германско стопанство во Република Северна Македонија. Министерката Царовска на учениците им додели ранци со училишен прибор. Заеднички беше ставот на сите присутни дека се очекува побрзо надминување на состојбата со пандемијата и нормализирање на реализацијата на целиот образовен процес.
Вие сте на: Home Настани Настани Посета на Министерката за образование и наука г-ѓа Мила Царовска и Директорот на Делегацијата на германско стопанство на Р.С. Македонија г-дин Патрик Мартенс