KoleNedelkovski.edu.mk

  • Активности во рамките на ЕРАЗМУС+ проектот

    Учениците од угостителската струка кои изведуваат практична настава во хотелот „Кампаниле“ во Барселона, Шпанија, имаа слободен викенд кои го искористија за прошетка и разгледување на градот.

  • Италијанска вечер приготвена од учениците од угостителската струка од ССОУ „Коле Неделковски“

  • Презентација на работата на машинската и елетротехничката струка

    Во рамките на активностите со кои се прославува Патрониот празник на училиштето денеска учениците од машинската и електротехничката струка се преставија пред деветто одделенците од градот со свои креации кои ги подготвија во рамките на практичната и теоретската настава.

  • СПОРТСКИ АКТИВНОСТИ ВО РАМКИТЕ НА ПАТРОНИОТ ПРАЗНИК НА УЧИЛИШТЕТО

    Во рамките на активностите по повод патрониот празник на ССОУ “Коле Неделковски“ – Велес, на 10.12.2018 год. (понеделник) во спортската сала при училиштето, се организираа спортски активности со учество на екипи од основните општински училишта “Васил Главинов“ од Велес и “Даме Груев“ од Градско. Учениците од прва година при нашето училиштето и ученици од деветите одделенија од основните општински училишта се натпреваруваа во кошарка и футсал во машка конкуренција, а натпреварите беа од ревиален карактер.

  • Квиз натпревар „НЕ ЛУТИ СЕ ЧОВЕЧЕ“

    Во рамките на одбележување на патронатот на училиштето на 03.12.2018 год. се одржа квиз по природни науки „НЕ ЛУТИ СЕ ЧОВЕЧЕ“.

  • ПОСЕТА НА МЕТАЛНАТА ИНДУСТРИЈА „БРАКО“

    Учениците од машинската струка, од образовниот профил машински техничар (4-2 клас), денеска ја посетија металната индустрија „БРАКО“.

  • ПРВА УЧЕНИЧКА ЗАБАВА

  • УЧЕСТВО НА МАНИФЕСТАЦИЈА „ВО СВЕТОТ НА ФИЗИКАТА“

    На ден 10.11.2018 год., Друштвото на физичарите на Република Македонија во соработка со „Скопје Сити Мол“ , ја реализира 42-та Школа „Млади физичари“.

  • Посета на Археолошкиот локалитет Стоби и Музејот на Албанската азбука во Битола

    Во рамките на Проектот за меѓуетничка интеграција на младите во образованието на ден 09.11.2018 год. (петок) беше реализирана заедничка активност помеѓу учениците од ССОУ „Коле Неделковски“ и учениците од партнер училиштето ОСТУ „Наце Буѓони“ од Куманово:

  • Противпожарен квиз натпревар

    На ден 08.11. 2018 година во салата Бели Мугри во Велес под покровителство на Градоначалникот на Општина Велес и проивпожарниот сојуз на Општината Велес се одржа 36-тиот Општински противпожарен квиз натпревар.

  • Посетата на Ветро паркот „Богданци"

    Согласно со Годишната програма за работа на Електротехничкиот актив при училиштето, Програмата за работа по наставните предмети Енергетски постројки и уреди и Практична настава, за образовниот профил Електротехничар енергетичар, денес (четврток 08.11.2018 г.),

  • Учество на тренинг обука “Зајакнување на капацитетите на наставниците задолжени за училишните заедници“

    Фонадацијата Конрад Аденауер и Здружението ЛЕАД во со одобрување на МОН и БРО, во периодот од 15-16.10.2018 год., во хотелот “Фени“ во Кавадарци организираше семинар на тема “Зајакнување на капацитетите на наставниците задолжени за училишните заедници“, а воедно и на работа на зајакнување на ученичкото учество во процесите на донесување на одлуки во средните училишта.

Училишна библиотека

kole-biblioteka

Училишната библиотека е составен дел на целокупната воспитно-образовна дејност во едно средно училиште. Преку неа се остварува контакт меѓу наставата, наставниците и учениците.
Библиотеката во нашето средно стручно општинско училиште ,,Коле Неделковски“ Велес има 10 690 книги. Од нив околу 6000 наслови на книги се на македонски јазик, а останатите се на српски, хрватски, англиски и на француски јазик.
Сите тие се библиотечно обработени, средени и наменети за задоволување на потребите како за учениците, така и за наставниците, вработени во нашето училиште. Библиотеката секоја година изработува распоред за нејзино работење со кој настојува да се приближи до учениците, односно да стане подостапна до читателската публика. Работата на библиотеката се состои од издавање и примање на книги, евиденција на прочитаното, водење на библиотечна книга, список на членови и друго.

Најголем дел од книгите се за потребите на наставата по македонски јазик и литература, за нејзино продлабочување и вистинско оживување на сите предложени дела во програмата за наставата по овој предмет.
Освен тоа има и книги од областа на разни други наставни предмети: историја, географија, филозофија, ликовна уметност, музичка уметност, спорт и спортски активности, биологија, физика. Тука на рафтовите како продлабочени мисли-спијат, но и сонуваат лексикони, речници, стручна педагошка и психолошка литература за наставниците. Не е мал бројот и на стручна литература од машинската и електро -струката, но најмногу од српско-хрватско јазично подрачје.Тука може да се најде и математичкото списание ,,Сигма“, но и книги за Информатика. Фонд од книги кои напросто мамат со својата длабочина, блиска до Океан, а сепак примамлива како опоен мирис. Корици-нови и стари, измешале раси, а сепак сите заедно почиваат во еден прекрасно-разновиден библиотечен фонд.Тоа е нашата библиотека!
Ако се разлистаат книгите почнувајќи од најстарите изданија па се до денешните , најнови и ако се разгледаат печатите на тие книги, може да се забележи целиот историски развој на нашето ССОУ ,,Коле Неделковски“. Тука ќе се пронајде душата и жигот на времето кое: како минувало - така се запишувало со мастило, кое потајно и скржаво избледува како да сака да сокрие тајна. Потребата од училишна библиотека, од создавање интерес и навика за читање кај учениците била присутна уште кај првите наши генерации. Се среќаваат книги во кои на последната страница учениците го запишувале своето име, годината и податокот дека тие самите ја подаруваат книгата на училиштето. Потоа се нижат и настани во кое препознаваме подарок на книги од други училишта или културни дејци од минати времиња, но веројатно така се оформила училишната библиотека, во почетокот со скромен фонд од книги. Ги поминале тие книги сите премрежја за овој голем период и денес, денешните генерации на запишани ученици можат во секој момент да ги позајмат на користење. И денес, како и пред години стремежот за развој на училишната библиотека е ист: да се пробуди кај учениците интерес за читање, да се развива културата на читањето, да се гради естетски однос кон книгата.
Оваа година учебна 2013/2014 година за работа во библиотеката на ССОУ ,,Коле Неделковски “ се задолжени наставниците Родна Игнатовска и Мариче Стојанова.


Мисла за месец септември: ,,Имајте книга секогаш до Вас - ако немате кому, нејзе подарете и дел од својата душа, за таа да Ви очисти срце и со очи да Ве слуша!“

1012525 10151881709279662 677412331 n

1231676 10151881709214662 297546300 n

1237651 10151881708359662 1883804312 n

1238792 10151881709249662 1275601703 n

Вие сте на: Home Училишна библиотека Училишна библиотека