KoleNedelkovski.edu.mk

Пристигнување во Полска

13221332 10154293315019662_2105096235554951757_o

Учениците од ССОУ КОле Неделковски пристигнаа денес во Новогард, Полска во збратименото училиште каде беа срдечно пречекани од директорот и дел од наставниците. Патувањето помина в најдобар ред, вечерва ја користиме за одмор а од утре почнува дружењето и забавата.

Повеќе...

Пикник на езерото „Младост“ и вечерно дружење

13256446 10154293191219662_1216897227054811358_n
Денешниот ден учениците од Новогард, Р. Полска го поминаа во дружење со своите соученици од ССОУ „Коле Неделковски“, односно спортски игри и пикник кој се одржа на езерото „Младост“.
Во вечерните часови учениците се дружеа во Велешките кафулиња.

Повеќе...

Пристигна Полската група на ученици

 13244175 10154293165699662_7319964027134124240_o

Полската група од 15 ученици и двајца наставници: г-ца Aneta Вartniczuk и г-дин Michal Daca (VI - та размена на ученици Полска - Македонија, од 2010 до 2016 година), пристигнаа во Велес на 22.05.2016 во 01.00 часот.
Учениците беа сместени во интернатот ДУД „Лазар Лазаревски“.
Соработката помеѓу збратимените градови Nowogard и Велес е вистински изграден мост на пријателство.
Училиштата ССОУ „Коле Неделковски“ од Велес и ZSP „Stanislaw Stasicza“ од Новогард се вистински пример, за моделите на оваа соработка во сите образовно воспитни форми.
Летот од Берлин до Скопскиот аеродром Александар Велики бр. W6 77440 помина во најдобар ред. За могу ученици, оваа е прво искуство на летање со авион, а воедно и прв престој на просторите на Балканот.
Дека нема случајности, туку спој на две добри енергии, покажа и синоќешната топла средба на Полскиот амбасадор во Р.Македонија, Неговата Екселенција г-дин Јacek Multanowski, вонреден и ополномоштен амбасадор на Р.Полска во Р.Македонија, токму на аеродромот со групата на Полски ученици.
Пречекот и сместувањето го реализираа одговорните наставници: Ѓоко Ѓоргиев и Снежана Софијанова.

Изложба на фотографија на тема: „Разгледница од моето место“ од ССОУ Коле Неделковски во Новогард Р. Полска

12814635 10154055759474662_9128257481282923878_n

Oд 23 февруари 2016 г. до 7 март 2016 г. во Јавната градска Библиотека “S. Żeromskiego” во Новогард, Р. Полска може да се погледне изложбата на фотографии, која ја поставија нашите пријатели од збратименото училиште ZSP “Stanislaw Stasicza” во Nowogard.
Фотографиите кои се претставени на изложбата, се фотографии кои пристигнаа на конкурсот кој што го организираше училиштето ССОУ „Коле Неделковски“ во декември 2015 г. по повод 50 годишниот јубилеј на училиштето, под мотото „Разгледница од моето место“.
Ова е втора година по ред, како Изложбата од конкурсот на уметничка фотографија добива Меѓународен карактер, не само по учесниците на истиот, туку и по формата на преставување во изложбен простор надвор од Р. Македонија.
Оваа изложба која го носи насловот „Разгледница од моето место“ содржи 60 фотографии и во целост е вистински промотор на градот Велес, помеѓу граѓаните на збратимениот град Новогард . Преку примерот на овој вид на промоција, воедно помагаме да се приближат и учениците и наставниците од основните и средните училишта на двата збратимени града кои земаа учество во конкурсот, да се запознаат традициите и културните вредности на двете земји.
Посебна благодарност упатуваме до нашите пријатели во Р. Полска, одговорниот наставник Rafal Wasyluk кој заедно со ентузијастите, млади фотографи средношколци се погрижи за достојно претставување.

Одговорен наставник за меѓународна соработка
Снежана Софијанова

5 години партнерска соработка помеѓу Новогард и Велес

Телемостот: ССОУ Коле Неделковски Велес Р.Македонија - ZSP Stanislaw Stasicza Р. Полска, со реализација од Полската страна е промовиран во својата содржина на програматa на веб страната на нашите полски партнери под насловот ,,5 години партнерска соработка помеѓу Новогард и Велес,,
Во текстот се вели:


,, 3 јуни 2010, претставниците на градовите и училишта во Велес потпишаа договор за партнерство и соработка Nowogard - Велес, кој требаше да им помогне да се воспостави и развие соработката помеѓу локалните власти, училиштата и заедниците преку младинска размена. Во ретроспектива, можеме со сигурност да кажeмe дека соработката е многу плодна, и двата града - толку многу оддалечени географски - се во комбинација на взаемна врска на пријателство.
За да го прослават овој значаен јубилеј, управите, наставниците и учениците од двете училишта учествуваа во Tелемост, или интернет конекција со користење на Skype. Добро e да се видиме со нашите пријатели, дури и ако e само на екранот, преку проектор!
Добро, e исто така, да се потсетиме за патувањата во Македонија и на нашите гости во Nowogard. Имаме голем број на слики од времето поминато заедно, иако најважни се спомените, кои засекогаш остануваат, имајте на ум.smile emotico. 5 години зад нас, не чекаат наредните и така по ред 5, 10, 15 ... кој ќе ни донесат многу нови средби, авантури и доживувања. Им благодариме на нашите пријатели од Велес за успешната соработка!

Го поддржуваме овој превод со оргиналниот линк од објавата.Им благодариме на нашите пријатели од Полска на овој прекрасен текст, на взаемната поддршка и реализација !!!

Вие сте на: Home Меѓународна соработка