ИЗЛОЖБА НА УМЕТНИЧКА ФОТОГРАФИЈА НА ТЕМА „ПОРТРЕТ“ ВО БИБЛИОТЕКАТА ВО НОВОГАРД, Р. ПОЛСКА
Во рамките на програмата за Прослава на патрониот празник на ССОУ „Коле Неделковски“ , училиштето организираше конкурс за уметничка фотографија на тема „Портрет“. Промоцијата на најуспешните фотографии, беше организирана преку изложба на фотографии и доделување на дипломи и благодарници за најуспешните автори на фотографија.
Пристигнатите фотографии од учесниците беа испратени во збратименото училиште „Станислава Сташица“ од Новогард каде сега се изложени во просторот на Градската Библиотека во периодот од 16.02 до 03.03.2017 година.
Прием кај Градоначалникот и прошетка низ Noowogard
Денес во 9:00 часот учениците од ССОУ "Коле Неделковски"-Велес беа примени од страна на градоначалникот на Noowogard, Robert Czapla. Тој им посака топло добредојде, убав помин и дружење со врсниците од збратименото училиште Станислав Стажица. Исто така да понесат убави спомени во Велес.
Потоа се упатија на прошетка низ градот каде ги посетија поважните знаменитости и културни обележја на градот.
Прекрасниот ден го завршивме со прошетка порај езерото и логорски оган во блиската шума.
Прием кај Градоначалникот и прошетка низ Велес
Денеска во 10.00 часот учениците од збратименото училиште „Станислава Сташица“ од Новогард беа примени од страна на Градоначалникот на Општина Велес, м-р Славчо Чадиев. Тој им посака добредојде во Велес, убав помин, дружење со врсниците од ССОУ „Коле Неделковски“ и да понесат убави спомени во Новогард.
Општинскиот просветен инспектор г-ѓа Македонка Виларова, ја истакна важноста на овие ученички размени како можност за прибирање на позитивни искуства кои можат да се искористат во воспитно образовната работа.
Директорот на училиштето г-дин Боро Ристовски, им посака убав помин во текот на нивниот шест дневен престој во Велес и Р. Македонија и дружење со нивните врсници од училиштето.
Потоа учениците се упатија на прошетка низ Велес.
Прва станица беше слаткарницата „Македонија“ каде учениците го пробаа нивниот специјалитет - сладолед со најразлични вкусови.
Потоа се упатија до центарот на Велес каде попатно се запознаа со знаменитостите на градот.
Пикник на езерото „Младост“
Во текот на вчерашниот ден учениците од збратименото училиште „Станислав Сташица“ од Новогард се дружеа и забавуваа со своите соученици од ССОУ „Коле Неделковски“ на езерото „Младост“. Денот го искористија за спортски игри, пловење по езерото и пикник.
Пристигнување во Полска
Учениците од ССОУ КОле Неделковски пристигнаа денес во Новогард, Полска во збратименото училиште каде беа срдечно пречекани од директорот и дел од наставниците. Патувањето помина в најдобар ред, вечерва ја користиме за одмор а од утре почнува дружењето и забавата.
Повеќе артикли...
- Пикник на езерото „Младост“ и вечерно дружење
- Пристигна Полската група на ученици
- Изложба на фотографија на тема: „Разгледница од моето место“ од ССОУ Коле Неделковски во Новогард Р. Полска
- 5 години партнерска соработка помеѓу Новогард и Велес
- 5 години од денот на потпишувањето на Меморандумот за меѓународна соработка помеѓу ССОУ „Коле Неделковски“ од Велес, Р.Македонија и Средното стручно училиште „Станислав Сташица“ од Новогард, Р.Полска.
Меѓународна соработка