KoleNedelkovski.edu.mk

224-годишнина од Уставот на Р.Полска

 20130 10153320378044662_392929798398143979_n

224-годишнината од Уставот на Р.Полска, кој е донесен на 3 мај 1791 година, е обележана со чествување организирано од Полската Амбасада во Р.Македонија.
По тој повод, на покана на неговата екселенција Полскиот Амбасадор во Р.Македонија г-дин Јacek Multanowski, претставници на нашето училиште ССОУ „Коле Неделковски“ од Велес, наставниците по стручни предмети од електро и машинска струка Снежана Софијанова и Валентин Елисковски присуствуваа на свечениот прием кој се организираше во просторот на градината на ресторанот „Ореов Лад“ во Скопје на ден 05 05 2015 г.
Имавме можност да се запознаеме со дел од полската традиција, полската кујна и фолклор.
Им благодариме на посебно укажаната чест, укажаното внимание во несекојдневната атмосфера, со која е искажана, благодарност кон сите наставници и ученици за несебичното вложување во градењето на мостовите на македонско – полското пријателство.

Повеќе...

Претставена изложбата на фотографии на учениците од ССОУ „Коле Неделковски“ пред граѓаните на Новогард, Р. Полска.

10845615 10153162139714662_4712380607116151579_o

Во локалниот весник на Општина Новогард, Р.Полска содржан e напис во кој се претставува изложбата на фотографии на учениците од ССОУ „Коле Неделковски“. 

Меѓународната изложба на уметничка фотографија насловена како „Светлината на нашата перцепција“ е во организација на училиштето ССОУ „Коле Неделковски“, а ја поддржуваат нашите партнери од збратименото училиште „Станислава Сташица“ од Новогард, Р.Полска како и училиштата од Тампере, Финска и Шербур, Р. Франција. 
Изложбата ќе можат да ја погледнат граѓаните на Новогард од 19 февруари до 9 март 2015 година.
Потоа изложбата „патува“ за Тампере, Финска!

Повеќе на:  http://dzienniknowogardzki.pl/index.php/component/jdownloads/finish/530-luty/766-25-lutego-2015-2346-wtorek/0?Itemid=444

МЕЃУНАРОДНА СОРАБОТКА НА УЧИЛИШТЕТО

10714026 10152900570404662_9029369002040156936_o

Во рамките на програмата за меѓународна соработка, учениците од нашето училиште изработија божиќни и новогодишни честитки, кои ги упатија до своите пријатели од збратименото училиште Станислава Сташица од Новогард, Р. Полска. Воедно истите се придружија кон Конкурсот за изработка на картички со зимски содржини, кои збратименото училиште го упати до нашите ученици. Преку размена на креативна енергија и овојпат ги градиме мостовите на пријателството.

Повеќе...

Посета на делегација од Р. Полска

10668823 10152710378334662_7562084124405787821_o

Висока делегација од Р.Полска, од војводството на Западна Померанија, област на Градот Гољенов денес беше во службена посета на Вардарскиот плански регион. Во рамките на програмата за престој, делегацијата денес го посети ССОУ „Коле Неделковски“.

Делегацијата во состав г-дин Томаж Станиславски – Гувернер на Голењовската област, неговиот заменик Вице Гувернерот г-дин Томаж Кулинич и директорот на збратимено училиште „Станислава Сташица“ г-дин Стефан Ситковски, беше примена од ВД Директорот на ССОУ „Коле Неделковски“ г-дин Томислав Иванов.

За време на средбата двајцата директори ја потврдија досегашната добра соработка помеѓу двете училишта која најдобро е преставена преку размената на ученици. Соработката помеѓу училиштата трае веќе четири години а најдобрите ученици од двете училишта досега се запознаа со традициите и обичаите на овие два народи. Истотака се дава можност за продолжување и зацврстување на диркетните врски кои училиштето ги негува во континуитет со збратимениот град Новогард и областа на Гољењов од Р.Полска.

Наставниците и учениците го претставија училиштето како образовна институција, беше претставен работниот простор во рамките на училиштето и неговата нагледност, како и концептот на досегашната и можностите за идната соработка со Р.Полска.

Особено е важно што во оваа прилика са отвара поголема можност за соработка на нашето училиште заедно со нашите образовни партнери од Р.Полска, на пошироко регионално ниво и поддршка во рамките на Р.Полска и Р.Македонија.

Повеќе...

Вие сте на: Home Меѓународна соработка