ОБУКАТА НА УЧИЛИШНИТЕ РАЗВОЈНИ ТИМОВИ (4- та од вкупно 5)
Во рамките на Твининг проектот „Поддршка на модернизацијата на системот за образование и обука“ Компонента на ИПА инструмент (MK/2007/IB/SO/03), Проект финансиран од Европската Унија, беше одржана четвртата обука за училишните развојни тимови од електротехничката струка, во склоп на реформата на средното тригодишно образование во електротехничката струка, за занимањето, електроинсталатер. На оваа обука беше објаснет целиот модел на пристап на училиштата кон работодавачите, училишната документација за реализација на практичната настава и обука на учениците, кај работодавачите, постапките на комуникација со регионалната стопанска комора, законските аспекти, можностите што треба да се искористат и моделите во практичната настава кои треба да се спроведат. Реформата се спроведува во седум стручни училишта во Р. Македонија, од кои едно е и нашето средно стручно училиште. Модератори и обучувачи на оваа работилница беа: Г-дин Зоран Јовчевски дипл.ел.инж , советник во електро – струка на Центарот за стручно образование и обука на Р.Македонија Г-дин Даворин Мајкус експерт од Центарот за стручно образование во Љубљана Р.Словенија.
ДА СОЗДАДЕМЕ УСПЕШНА МАСКА
Отворањето на изложбата на пристигнатите маски организиран по повод христијанскиот празник Прочка (недела на проштевањето 17.03.2013 г.), празникот пред Чесниот пост во 2013 г. ќе биде на 15.03.2013 година (петок) во 12.30 часот во Мултифункционалната сала на ССОУ „Коле Неделковски“.
ССОУ “Коле Неделковски“ први во ракомет во Велес
Во во периодот од 15.2.2013 до 13.3.2013 год. се реализираше општинската лига во ракомет за средни училишта. Лигата е е во организација на Сојузт на училишен спорт на Велес и Општина Велес, а во натпреварите учество земаа сите средни училишта од Велес. Ракометната екипа на ССОУ “Коле Неделковски“ - Велес , го освои првото место и тоа со следните резултати:
- ССОУ “Коле Неделковски“ - СОУ “Димитрија Чуповски“ 15 - 8
- ССОУ “Коле Неделковски“ - СОУ “Јовче Тесличков“ 17 - 10
- ССОУ “Коле Неделковски“ - СОУ “Гимназија Кочо Рацин“ 15 -9
Натпреварите се организираа во спортските сали при ООУ “Блаже Конески“ и СРЦ “Гемиџии“
Во рамките на училишната ракометна екипа учество земаа следните ученици: Мартин Стојчев 3-7 клас, Роберт Пановски 4-3 клас, Никола Танев 3-6 клас, Бобан Кочовски 3-6 клас, Филип Филиповски 3-4 клас Никола Јовчевски 4-7 клас, Стојанче Малинов 3-6 клас, Антонио Ѓоргиевски 2-3 клас, Тодор Ѓоргиев 1-7 клас, Панче Димов 1-7 клас Јордан Џуклев 1-8 клас, Срефан Ѓоргиев 1-8 клас, Александар Лазов 3-7 клас, Иле Вангелов 1-4 клас Со освојувањето на првото место ракометната екипа ги продолжува натпреварите во рангот на зона која ке се одржи во Гевгелија , потоа регион и ќе се потруди да освопи учество на државното првенство. Ракометната екипа на ССОУ “Коле Неделковски“ е предводена од проф. Ангелче Гушев.
КРВОДАРИТЕЛСКА АКЦИЈА
Учениците и вработените од ССОУ „Коле Неделковски“ денеска уште еднаш ја покажаа својата хуманост и даруваа крв за оние на кој таа им е најпотребна. На акцијата се одзваа голем број на уценици и вработени од училиштето.
Прием на учениците кај директорот на училиштето
Денеска учениците кои земаа учество на 36 – от Регионален натпревар по математика кој се одржа во СОУ Гимназија „Добри Даскалов“ од Кавадарци, беа примени од страна на директорот на училиштето м-р Валентин Елисковски. Тој изрази искрени честитки за постигнатите успеси и надеж дека и во наредниот период пак ќе го претставуваат училиштето на некој други натпревари. На овој натпревар се натпреваруваа ученици од средните училишта од регионот Велес, Кавадарци, Неготино, Гевгелија, Богданци и Валандово. Од нашето училиште се натпреваруваа вкупно 15 ученици од прва, втора, трета и четврта година. Од прва учениците: Стефан Милошевиќ I - 6, Таки Гогов I - 6, Александар Павловски I - 6 и Бојана Петровска I - 7 под менторство на проф. Биљана Ивева. Втора година: Емилија Елисковска II - 6, Билјана Пешовска II - 6, Роберто Наумовски II - 6, Бобан Ѓорѓиевски II -7, Виктор Тодев II -7 и Даниел Панов II -8 под менторство на проф. Мира Ташкова. Трета година: Иван Михајлов, Стефанио Бениќ III – 6 и Никола Танев III – 6 под менторство на проф. Магдалена Иванова И четврта година Славче Киров IV – 5 и Илија Палитов IV – 6 под менторство на проф. Љупчо Николовски. Со награди на овој натпревар се здобија учениците: Стефан Милошевиќ од I - 6 клас, Даниел Панов од II – 8 клас и Иван Михајлов од III – 6 клас. Честитки до учениците и менторите !!!
