СРЕДБА НА ПРЕТСТАВНИЦИ ОД СТОПАНСТВОТО, УЧЕНИЦИТЕ ОД ДУАЛНИТЕ ПАРАЛЕЛКИ И ПРЕТСТАВНИЦИ ОД УЧИЛИШТЕТО
Под мотото „НИЕ СМЕ СПРЕМНИ ДА ИНВЕСТИРАМЕ ВО ВАС, АКО ВИЕ СТЕ СПРЕМНИ ДА ИНВЕСТИРАТЕ ВО САМИТЕ СЕБЕ“, ССОУ „Коле Неделковски“, денеска беше домаќин на средбата на претставници од стопанскиот сектор и учениците кои оваа година избраа да го започнат своето образование во една од четирите дуални образовни профили во училиштето. На средбата присуствуваа претставници од фирмите:
БРАКО (г-дин Горан Кацарски),
Маркарт (г-ѓа Анета Саздовска и г-дин Трајче Каров)
Ронтис (г-ѓа Дијана Илиевска Ѓорев и г-ѓа Љубица Јаневска)
ЛЕОВ Компани (г-дин Начо Жаров)
ЛУТЕКС (г-ѓа Лидија Димовска)
СМЕЛТ-ИНГ (г-дин Жарко Ангелески)
ЕВН (г-ѓа Силвана Космач)
АCE Tech (г-дин Коста Ковачевски)
На состанокот преставниците на компаниите, им порачаа на учениците дека тие се подготвени да инвестираат во нив ако и тие се подготвени да инвестираат во себе. Компаниите ја превземаат обврска да ги обучат учениците за работа во реални услови, нешто од што во иднина би можеле да заработуваат за себе и своите семејства.
Стопанството е основен двигател на економијата во една земја, а денешните учесници на средбата се компании кои имаат долгогодишно искуство, голем број вработени, вработени кои имаат знаење, вештини и желба да го пренесат истото на идните генерации.
Компаниите истакнаа дека се отворени за секој вид на пракса, преку целата учебна година и во текот на летото. Ги поканија учениците и наставниците да ги посетат и одблиску да се запознаат со производствениот процес. Исто така искажаа пофални зборови до учениците кои веќе ја реализираат практичната настава кај нив и благодарност до училиштето за досегашната и идна соработка.
