Училиштето за средно стручно образование „Коле Неделковски“ од Велес е образовна установа од јавен карактер во која се
образуваат ученици од трет и четврти степен.
Како правен субјект е формирана со одлука на основачот Собрание на Општина Велес, со седиште во Велес, во септември 1995, со
број и датум на актот за основање 11952/3 од 29. 09. 1965 г.
Училиштето располага со сопствена училишна зграда, машинска работилница, електро работилници, спортска сала и корисен простор согласно образовните стандарди и со тоа во целост ги исполнува просторните услови потребни за реализацијата на наставата во сите струки и профили.
Од основањето до денес училиштето во континуитет врши образовно-воспитна дејност, со континуирано образовање и професионално едуцирање и обука на кадар од машинската, електротехничката, сообраќајната и туристичко-угостителската струка.