ОДБЕЛЕЖАНА 81 ГОДИНА ОД СМРТТА НА КОЛЕ НЕДЕЛКОВСКИ ВО СЕЛО ВОЈНИЦА
Денес, 02.09.2022 г. (петок) во 11:00 часот во с. Војница, Велес беше одбележана 81 годишнина од смртта на нашиот македонски поет и револуционер Коле Неделковски. Поздравен говор одржаа членовите на клубот на писатели ,,Коста Солев Рацин“ Велес, со читање на поезија и поетски перформанси. Свежо цвеќе пред бистата на Коле Неделковски, во дворот на неговата спомен куќа положија претставници од Локална самоуправа на Општина Велес, Музеј на град Велес, Локалната библиотека ,,Гоце Делчев“ Велес, Клуб на писатели ,,Коста Солев Рацин“ – Велес и претставник од ССОУ ,,Коле Неделковски“ Велес. Пред бистата на поетот во с. Војница, беше доделена Награда за животно дело на писателката Родна Јанчева.
