Благој Мејанџиев дипломиран машински инженер – сопственик на „АЦ Електрик Тек“ ДОО
Донесувањето одлука за започнување на средното образование на мои 15 години ми изгледаше релативно тешко. Кај секој човек постои доза сомнеж дали одлуката што се носи е правилна, така беше и во мојот случај. Одлуката, ССОУ „Коле Неделковски“, како да вид училиште во коешто ќе го продолжам моето образование се покажа како вистинска. Запишувајќи се во ССОУ „Коле Неделковски“, во образовниот профил електротехничар-електроничар започав да ги стекнувам вештините кои до ден денес ми користат во моето работење. Преку теоретска и практична настава се запознав со основите на електрониката, па потоа и на мехатрониката, што ми стана подоцнежна пасија. Голема заслуга за тоа што денес го работам имаат и моите професори кои целосно и несебично се залагаа за пренос на своето знаење и беа достапни. Благодарение на моето стручно образование, денес сум машински инженер и сопственик на фирма од областа на мехатрониката. Преку мојата работа се стремам да одговорам на сите барања од областа на машинството, електрониката, индустриската автоматизација како и најсовремените технологии на пазарот и секако, да допринесам за развој на инжинерството во нашата земја. Моја порака до идните средношколци е да не се плашат да го направат својот избор и да го продолжат својот пат во стручното образование, а најдоброиот избор е ССОУ „Коле Неделковски“.
