Денес, сабота 25.03.2023 г., во големата сала на Општина – ВЕЛЕС имаше еден прекрасен настан. Поводот беше 70 годишно постоење на Извиднички одред ,,Димитар Влахов“ и 100 години скаутизам во Велес. На Свечена академија беа доделени награди за литературен конкурс ,,Извидниците и животот во природата“. Нашата ученичка Марија Тодоровска од 4-2 клас при ССОУ ,,Коле Неделковски“ – Велес, со ментор проф. по Македонски јазик и литература Мариче Стојанова, го освои првото место. Гости имаше од сите региони на Балканот, а признанија и награди добија еминентни и почитувани граѓани, кои допринеле за да се одржи овој континуитет од 70 години. Му посакуваме на ИО ,,Димитар Влахов“ да продолжи со успешната дејност.
