Денес, 14 март 2022 година во медиотека на Локална библиотека „Гоце Делчев“ Велес во соработка со Глам Македонија, во 14:00 часот, се одржа уредувачки маратон на тема ,,Жените во уметноста“.
Активноста е дел од глобалниот повик Celebrate Women којшто се одвива во текот на месец март. Уредници на Википедија на македонски јазик кои се членови на Вики Клуб Велес и јуниор Википедијанци од Велес дадоа свој придонес во преведување на статии. Односно, биографии на жени: сликарки, вајарки, балерини, оперски пејачки, ботанички илустраторки или фотографки. Велешките википедијанци денес, преведоа над 180 статии и со тоа дадоа и свој придонес со збогатување на содржини на Википедија на македонски јазик!
Од ССОУ ,,Коле Неделковски“ беше проф. по македонски јазик и литература Мариче Стојанова и свој придонес даде со преведување на 10 статии, од вкупно 20 преведени за месец февруари и месец март. Се надеваме на плодна и успешна соработка, а воедно голем успех посакуваме на Тимот ВИКИПЕДИЈА – Велес.
